Grunnnámskeiðið er það námskeið sem er bæði fyrir hvolpa og eldri hunda. Mælum með að byrja sem fyrst með hvolpa. Þeir geta byrjað frá ca 10 vikna hjá okkur á grunnnámskeið (9 vikna í kríla).  Við erum með sal sem við þrífum og sótthreinsum reglulega og allir fá sitt eigið svæði að vinna á.

Allar tegundir hafa gott af því að fara á námskeið hjá okkur, bæði smáhunda- og stórhundategundir. Allir hundar fá sitt rými til að vinna á með sínu fólki. 

Öll fjölskyldan er velkomin með á námskeiðið.

Kennt er með jákvæðum aðferðum sem byggjast á nýjustu rannsóknum um atferli hunda.

Námskeiðið er öflugt með mikið af upplýsingum um atferli hunda og hvernig þeir læra. Þannig getið þið auðveldlega kennt þeim allskonar bæði mikilvægar og skemmtilegar æfingar í framtíðinni.  Við förum yfir þrjár þjálfunaraðferðir sem heita, grípa hegðun, móta hegðun og lokka fram hegðun. Við notum hugmyndafræðina í klikkerþjálfun og þið fáið klikker til að prófa, þótt við notum ekki klikker á öllum æfingum.
Förum vel yfir merkjamál hunda og streitu einkenni.  Það eru 5 fyrirlestrar sem þið horfið á heima samhliða verklegum tímum í skólanum.

Farið er yfir helstu hlýðni æfingar sem gagnast í lífinu, eins og sitja, liggja, kyrr, hælganga, taumganga, svo eru nokkrar slökunar æfingar sem þeir læra til að ná að róa sig í mismunandi aðstæðum. Sjálfstjórn, innkalls æfingar.  Svo er trix tími og fleira skemmtilegt.

Semsagt stút fullt námskeið af allskonar skemmtilegum æfingum. 

Til þess að fá afslátt af hundaleyfisgjöldum hjá þeim bæjarfélögum sem bjóða upp á slíkt þarf að hafa 80% mætingu og klára námskeiðið með bóklegu og verklegu prófi.