hundaakademian
Taumgöngunámskeið
Taumgöngunámskeið
Taumgöngunámskeið
Að njóta þess að vera úti saman í göngutúr skiptir öllu máli. Ef hundurinn á það til að vera æstur, hræddur, of glaður, smá stressaður, eða hreinlega á bara eftir að læra að toga ekki í tauminn er þetta námskeið fyrir þig.
Stundum er það að labba, aðeins of spennandi svo hundurinn missir sig og togar nánast af þér hendina. Við vinnum með væntingastjórnun og slökun á þessu námskeiði ásamt taumgöngu. Að geta slappað af úti skiptir öllu máli til þess að fá góða taumgöngu.
Á námskeiðinu förum við vel í taumgönguna með því markmiði að hundurinn geti labbað með slakan taum, þefað í rólegheitum, að hann geti slappað af úti og nái að veita þér athygli þegar þess þarf.
Ath. að þetta er ekki hælgöngunámskeið, þótt við munum fara í gegnum æfingar sem fá hundinn til að labba við hliðina á þér.
Allir geta verið með hvort sem þú/hundurinn hefur áður farið á námskeið eða ekki.
Share
Upplýsingar um námskeiðið
Uppbygging á námskeiði
Taumgöngunámskeið - 5 skipti, hver tími er í ca. 60 mín.
Kennt er bæði úti á túni fyrir framan skólann á Skemmuvegi 40, Kópavogi og inni í salnum.
Við byrjum alla tímana úti á túni og gerum æfingar þar, seinni hluti tímans fer fram inni í salnum þar sem við bætum við æfingum fyrir næsta tíma.
Hvað er kennt á námskeiðinu
Farið er yfir athyglisæfingar, taumvinnu, ganga með slakan taum, mæta áreiti og hælgöngu.
Má fjölskyldan koma með?
Já fjölskyldan er velkomin með í tímana, börn mega ekki halda í tauminn úti á túni. Æfingarnar inni í sal hefur hver hundur afmarkað svæði í lokuðu hólfi.
Taumar og búnaður
Hundar eiga að vera í beisli eða með breiða hálsól.
Taumlengd: 2 - 5 metra langur taumur.
Útdraganlegur (flexi-taumur) eru bannaðir á námskeiðinu.
Hálsól sem þrengir að öndunarveginum eða önnur tól sem geta meitt eða skaðað hundinn eru bönnuð í skólanum.
Slip-lead er bönnuð á námskeiðinu.